【廣東捌拾】尖沙咀新商場 懷舊戲棚市集

近日尖沙咀廣東道開咗個新商場 樓高三層,兩萬尺的場地【廣東捌拾】是香港80年代的懷舊風格,一樓以竹棚搭建購物街,二樓超級市場,mini mart 及三樓是全新劇本推理遊戲【第二人生體驗館】。場內還設有三大打卡位懷舊竹棚街,香港場景打卡牆,巨型戲棚花牌。大家有時間可以去感受下香港舊情懷。

門口懷舊風味的糖果,糖蔥餅。仲會有全港唯一的吹糖師傅「糖姨」,即場進行拉糖表演。

一樓門口,已經充滿懷舊氣氛。

有好多懷舊的擺設,大家細個有無見過呢?

見到呢幾個公仔,諗返起細個時,有個公仔,洋娃娃都可以開心好耐。

行入少少就係竹棚小鋪,呢間舖入面有以前澳門嘅手信,大家暫時去唔到澳門買,可以嚟呢間鋪睇下!

有好多爆炸糖,仲要有哂咁多隻味,仲有各式各樣的薯片。

【台灣手工制品】可以自己選擇布料Diy 自己鐘意嘅口罩套,手袋等。一定唔會同人撞款啦!

【咦!係咖啡喎】唔知大家識唔識佢地呢?

貓哥哥慈善咖啡,其實呢間主要係賣咖啡產品並為浪浪籌款。值得支持下!

懷舊街機食鬼game,街頭霸王,唔洗錢可以玩㗎!

舊式冰室設計 ,依家香港都越來越少呢類茶餐廳。

復古色彩的昔日街景。香港特色就係成條街都係招牌。

最特別係呢個超大鳳頂花牌,通常係農曆新年年宵市場、觀音誕、天后誕等先會見到。相信香港人都不唔陌生。記得係到影返張相。

二樓係香港超市mani mart,有酒類、天然香薰、 天然手工梘,生活用品等等...另外泰國人氣彩妝cute press更特設專櫃,有多款熱門唇彩、刷具等。鍾意泰國彩妝嘅朋友千祈唔好錯過呀!

!

有各式各樣酒類同埋花茶。

呢個牌子嘅香薰味道都非常好,一啲似刺鼻嘅感覺都冇。

每件手工梘都包裝得非常精緻。

最後三樓設全新推理劇本殺遊戲【第二人生體驗館】,將「劇本殺」這項桌遊遊戲實體化變成真實場景。

玩家可穿上戲服化身不同劇本角色,在房間內挖掘證據,尋找出最終凶手。

近期就有【養鬼】 及 【劏房殺人夜】兩個主題。

有興趣嘅可以過嚟挑戰下膽量和推理能力。

【廣東捌拾 CANTONYAMA】

地址:尖沙咀廣東道68-80號,CANTONYAMA

時間:上午11時至晚上10時