【搵食好去處】中環Braza扒房 食肉獸必食之選—即烤即切即食

日式燒肉同韓燒都食得多,巴西燒肉宜家已經買少見少,如果自問係食肉獸,就一定要留意小編今次介紹呢間餐廳【Braza】食下啦!因為佢哋有任食沙律+肉!

呢間餐廳係上樓舖,地方都幾闊落,一入門口有個幾大既bar corner,隔離就係buffet section,lunch可以選擇只食出面既buffet或再加$80任食燒烤肉類,黎到當然係要食埋肉啦。

Buffet Section

凍盤:蝦、青口、沙律菜、cold cuts、芝士 & 生果

熱盤:蒸香蒜飯、烤甘荀、慢煮feijoada、湯 & 薯條

選擇都幾多,不過大家記得留肚食肉呀。

喺呢度食飯有個規矩㗎,枱面上有個牌,

『I’m hungry 』向上,侍應就會攞住一串串嘅肉俾你,轉去”No more thank you”,侍應就唔會再過黎。除左必食既牛肉,仲有雞、羊等其他肉類隨機拎出黎,餐廳既自家製香腸都幾好食,唔係一般凍肉貨色。

食唔飽可以同侍應講你想食啲乜嘢,話個名俾侍應聽,佢哋都會再燒出嚟俾你食㗎。食夠肉太飽,唔想再食肉,想食生果有生果,想食甜品有甜品。仲有唔同嘅蛋糕。

整體來講呢間餐廳氣氛唔錯,大部份都係外國人!不過吃菜者就不太適合了。喺中環來講性價比算係一間比較高嘅餐廳,大家可以帶埋食肉獸嘅朋友一齊去試吓喇。

【Braza Churrascaria Brazilian Steakhouse】

地址:中環蘭桂坊15-16號協興大廈3樓

營業時間:11:30 - 16:00

電話號碼:28909268