【玩樂好去處】邂逅水口 觀賞靚日落摸蜆

蜆大家成日都會食,但有無林過自己親手去泥灘摸下,觀賞下靚日落,愉快地度過一個下午。

大嶼山水口村就是其中一個人氣熱點,因為呢度不但泥灘上面有層海水,可以拍到天空之鏡不特止有充足的補給,也有工具可以借,更有度假屋,玩到夜都唔怕!

摸蜆其實系一個好好既親子活動!水口的泥灘地方廣闊,沙泥比較軟,適合有小朋友的一家大小。


大家想快D慳力D既話,可以在士多租用大扒,極速扒開泥沙!

由東涌乘坐11號巴士於「水口村」站下車,車程約40分鐘。

下車後沿斜路走上去就會見到榮記士多,可以買些飲品及零食,亦可以在此租用泥耙、水桶及膠凳仔等摸蜆裝備。

這間榮記士多,是這條村最地道,歷史悠久的一間士多,有簡單麵食同汽水,零食同雪糕也不缺,摸蜆的配套應有盡有。


其實本港每年農曆初一、十五前後幾日水退最多,是摸蜆嘅高峰期,每日日落前大約下午3pm至6pm,會容易有好的收穫。


蜆其實都有技巧, 泥灘行出去離岸愈遠既地方,愈大機會摸到蜆,揀到適合的地點就可以蹲下來用泥耙挖開泥沙,向下挖十公分深左右就知道有沒有收穫,如果不多的話,就可以轉地點再試下。

不過潮汐漲退會因地點時間而各有不同,出發前先上天文台網站查詢,或者打比士多既地膽榮叔,他都會好樂意答你。



士多有簡單粉面,更有炒米粉!味道唔錯架!

士多需然簡陋,但環境好好。


假若你收穫豐富,更可以拿着戰利品回到士多,俾少少錢,他們就會幫你即場炮製,或者可以燒烤都無問題!


有靚沙灘景相伴,除了摸蜆,玩水亦唔錯,加上榮記士多有地方俾你換衫沖身,玩到污糟曬都唔怕啦!


水口村

地址:大嶼山水口村沙泥灘

如何前往:從東涌搭11號巴士於水口村落車,下車後見到士多可租借摸蜆工具,步行15分鐘即到泥灘

摸蜆季節

每年的4月至10月都是香港的摸蜆季節,據說逢農曆初一及十五後連續幾天都是適合摸蜆。最佳的摸蜆時間是下午3至6點潮退後,潮水退開較容易捕捉蜆!大家可在出發當日先到天文台網站查看潮汐資料,了解潮漲和潮退時間就更易掌握最佳摸蜆時機。

摸蜆教學

  1. 選好摸蜆地點後便可以蹲下及用泥耙挖開泥沙,如挖了約10cm深度亦沒有收穫,就可以轉移地點繼續挖泥摸蜆。
  2. 填平挖了泥後的凹陷處,保持健康生態環境
  3. 可利用泥耙不停篤進泥沙,如果篤倒硬物,有機會是大蜆呢!

另外,越近海邊,越容易摸到蜆,但需注意安全,以免走出太遠位置。如果捉到的蜆太小(身長短於4cm),就可以將那些蜆BB放生,讓牠們繁殖生長,長大才捕捉吧!大家記得要愛護生態環境,只捕捉適合自己食用份量的蜆就夠了,不要過份捕捉蜆或捉蟹等海洋生物,保持可持續發展的生態環境。

摸蜆工具

  • 泥耙(大小皆可)
  • 取代泥耙的沙灘玩具(小朋友用)
  • 水桶
  • 水樽
  • 膠凳仔
  • 水鞋/白飯魚(保護雙腳之用)
  • 手套(視乎個人需要)

如果沒有以上裝備或不想帶同這麼多裝備起行,部分摸蜆地點附近都有士多,你可在士多租借這些摸蜆工具。