【假日好去處】 灣仔海濱長廊 欣賞本地插畫家Chocolate Rain作品

係香港每逢假日,都想搵個遠離石屎森林呼吸到新鮮空氣嘅地方唞唞氣!今次小編就同大家介紹灣仔海濱長廊。連接金鐘添馬公園至香港會議展覽中心段的灣仔海濱長廊在上年終於開放,市大家又多一個海濱活動空間!灣仔海濱長廊佔地約7,800平方米,由會展走到鷹君中心,再過天橋到對面灣仔碼頭即見海濱。

新開放的空間,除了以草地為主,亦增設多款涼亭、桌椅和觀景小丘,讓遊客可以欣賞遼闊的維港景致,更設有「童樂園」為主題的遊樂場。

一齊行落去大家睇下有咩玩同打卡位喇~

發展局邀請本地插畫家麥雅端為灣仔海濱長廊設計一系列作品,現在長廊地上及圍欄都由麥雅端親自畫上的「Chocolate Rain」主題壁畫、卡通主題畫作和設有「Chocolate Rain」立體裝置,背後係一覽無遺嘅維多利亞港,絕對係打卡嘅好地方!

長廊設有多幅大型Chocolate Rain插畫作品,全部都富有香港特色!

再行前D就係一條「粉紅通道」,通道兩側係畫咗粉紅玫塊花紋嘅圍板,而地上就鋪咗粉紅色地氈!配埋兩側嘅粉紅玫瑰裝置,浪漫滿佈,絕對係情侶打卡熱點。

當然仲有早排推出嘅...踩艇仔!

不過因為疫情嘅關係所以而家暫停開放,有機會小編都好想試吓對住個維港踩艇仔究竟係咩感覺!

大家襯假日可以約埋屋企人或者朋友一齊去打下卡喇。

【灣仔海濱長廊】

開放時間:24小時開放

交通:

渡輪:灣仔碼頭天星小輪往尖沙咀、紅磡

巴士:往灣仔碼頭巴士總站/灣仔會展巴士總站