【日本的大阪燒】自己鐵板自己燒 道頓堀御好燒專門店

相信好多朋友都同我一樣,因為疫情冇得飛,而家都好掛住日本。今次小編介紹呢間【道頓堀食大阪燒】文字燒、廣島燒、烤肉等等。呢間餐廳無論餐牌同裝修,都同日本真係差不多,令我暫時覺得自己已經身處日本,令自己暫時可解一解鄉愁。

首先介紹呢間餐廳有乜來頭先,

其實佢地係日本營業多年,全球有數百間分店的【道頓堀御好燒】在2017年攻港,當年剛開張時真的可稱得上萬人空巷,好多人更為了一嚐這個滋味,不惜等上數個小時。

呢度入邊嘅裝修都好靚,日本風,真係好似身處日本一樣,地方都好寬躺,坐得好舒服。

餐牌上亦都有好多選擇,仲有埋整表情教學!小編其實想黎呢間餐廳好耐,但係驚自己手勢差 今次終於的起心肝試下,同大家分享吓,有教學就唔洗怕啦。

一入去員工會幫你開曬D鐵板for燒大阪燒架!檯面會有一個計時器, 仲有照燒汁 蛋黃醬 木魚花 海苔同食用油等!menu有好多唔同嘅大阪燒選擇 御好燒 文字燒 等等...有唔同配料有時真係好難選擇!

我哋點左小量海鮮,牛同豚肉,真係超級好食,夠晒多汁,自己燒又唔會過咗濃。

呢個【廣島燒】大家一定要試下呀。

【道頓堀雜錦】

整體來講,呢到真係要同好朋友或者小朋友黎一齊玩下食下,真係好玩大家都會食得好開心,雖然有好多選擇,但係都分唔清有咩分別 ,所以推薦大家嗌雜錦或者幾個唔同嘅大阪燒同朋友一齊SHARE!

不過要提提大家,對住個鐵板真係有少少溫度嘅,如果真係好怕熱嘅朋友仔就要留意啦,同埋帶小朋友去記得注意安全呀!

【道頓堀御好燒專門店】

地址 :荃灣荃灣廣場3樓321-323號舖

電話:23326036

營業時間:

星期一至日

12:00 - 22:00