【玩樂好去處】虎地坳故事館 細聽口述歷史故事 參觀七彩古井

上水虎地坳故事館於去年開幕,獲鄉郊保育資助計劃撥款推行,設立虎地坳故事館,並展開口述歷史編集、七彩古井周邊復育工作、社區藝術活動等,近期更推出傳統手工藝工作坊、鄉村市集、社區導賞團等活動。


疫情好轉,大家可以參觀村內的不同景點,了解虎地坳村的歷史起源、生活面貌、節慶習俗、建築遺址等。


虎地坳故事館的前身為空置的村民住所,在今年三月啟動的「虎地坳村文化復育計劃」中改建成為小型展覽館。

有不少村民捐出的珍貴古物,配合印有「KCR」(九廣鐵路)的紅磚及村內磚窰遺址的歷史研究資料,佐證虎地坳村與羅湖磚廠及九廣鐵路興建的關聯推斷。

例如這個禾桶,今年已經58歲。其實他們曾經有兩兄弟,分別叫打谷圍同打禾梯,好可惜已經因為年月太久而損壞了。而這個禾桶清潔完畢後會放在虎地坳故事館度展出,作為以前香港農耕社會的見證。


故事館設計仍保留原有寮屋結構。

故事館的外牆則鬆上多幅展現虎地坳歷史、文化與自然生態的壁畫,其中近正門的大型壁畫,由本地藝術家黃佑琦繪畫。

包括導致該地由原來的地名「下水嶺」更名為「虎地坳」的一頭盂加拉虎。

以活潑、充滿活力的形象展現,寓意新開始,讓更多人認識這條村的歷史之餘,亦開始關注人與自然的關係。

故事館的一側有用卡板組成的圍牆,配合精美的手繪花紋和畫作,除了環保廢物利用外,使用的繪畫顏料是天然黃薑粉、蝶豆花、綠茶粉、胭脂紅、石膏粉等。


疫情好轉,虎地坳推出傳統手工藝工作坊:

穿草珠子手鏈導賞團 】


草珠子係薏苡屬植物野生薏苡嘅產籽,所以有村民會叫佢做假薏米或者「珠仔」。

其實草珠子主要生長係水源充足嘅地方,以往農業社會時,它隨處可見。如今,走遍整個虎地坳村只見寥寥數棵,十分稀有。

如果你想體驗下呢種獨特嘅鄉村手工藝文化,拓寬眼界。可以WhatsApp或致電📞61341462預約。

虎地坳另外一景點就是七彩古井。這個古井推算20年代左右由駐紮村內工作嘅羅湖磚廠工人所建,以滿足當時食水供應嘅需要。

除咗清楚見到古井嘅內部主要係用村內常見、色彩斑斕嘅頁岩所砌成之外,大家係重鋪附近地面嘅過程中亦揾到唔少類似嘅岩塊, 可想而知前人好有可能係就地取材嚟建呢口井。

據說,羅湖磚廠曾經係提供磚頭俾九廣鐵路嘅其中一個供應商,所以時至今日嘅虎地坳仍有不少印有'KCR'字樣的紅磚!

呢度既導賞體驗不但有趣,更有即興,完全體驗到村民既日常。

經過村民芳姐屋企,咁啱見到佢試驗緊紙箱雞新整法,馬上又可以去參觀下,原來今次除咗醃料色水唔同,仲由之前嘅三黃雞轉咗做清遠雞嚟煮,前者脂肪較豐滿,而後者嘅肉質就較為嫩滑,各有所好!

【口述歷史工作坊 】

為咗發掘更多民間智慧同口耳相傳嘅故事, 大家可以訪問一下虎地坳村唔同嘅村民,將一啲沒有文字紀錄的生活片段同歷史痕跡勾畫返出嚟。

由曾為九廣鐵路提供材料嘅駐村磚廠的村民,到昔日經歷水浸落難悲歌的人,以至盂蘭同其習俗對於村民嘅意義等等,大家都十分慷慨分享他們的所見所聞,大家聽落一定津津樂道,獲益良多。