【親子好去處】天水圍綠田園 一次玩盡水上滾筒+滑草+水上單車

疫情終於稍為緩和,好多家長都即刻帶小朋友出去放電,香港有不少很有特色的親子農莊,小朋友可以親親大自然之餘,一家大小也可以到郊外放鬆一下。今次小編要介紹就係位於【天水圍的綠田園】,佔地約20萬呎,主要經營燒烤場、農莊及玩樂設施等,所以吸引許多本地家庭特意前往。

【綠田園】是香港少有齊集多項活動的農莊,場外仲有個特大車場泊車,真係去到門口,一落車就有得玩!

呢到真係有好多野玩,每項活動都啱大人細路一齊玩,小朋友可以在成人陪伴下一邊踩水上單車當作運動、一邊餵飼錦鯉魚!

如果想小朋友放哂d電,一定要玩水上大滾筒。

當然仲有最受歡迎嘅滑草場,玩法係要小朋友玩樂完後,自行將滑草板運送到滑草場頂再滑下,其實都幾攰!不過小朋友就真係玩得好開心!(不過要留意返身高110cm以上小朋友先可以玩)

園內有個動物農莊 ,可以買飼料餵小羊同牛,仲有烏龜。

繼續行,仲有小攤檔遊戲。

大家可以同小朋友一齊玩下睇吓拎唔拎到獎品啊。

最正係呢到仲有個燒烤場,燒野食最驚就係買野食同準備,呢到比一個價錢就燒得喇,夠哂方便呀!

【天水圍綠田園】

地址:天水圍綠田園沙江圍側(由天華路入) 

交通:天水圍天富輕鐵站>

經行人天橋沿香島中學側向公路過紅綠燈轉左大直路直行

營業時間:10AM-6PM