【打卡好去處】元朗隱世古董傢俬舖 Muse Furniture Lab轉營歐陸Cafe

社交距離措施終於稍為放寬,香港人緊係即刻周圍搵食啦。今次要介紹嘅就係位於元朗錦田隱藏一間又一間特色小店【Muse Furniture Lab】。

呢間【Muse Furniture Lab】 於2014年開業,唔講唔知其實呢間鋪之前係專賣特色復古傢具,及作室內的設計。後來更將其名貴傢具引入到自家開的法式餐廳內,以黑調英倫風作主打。

原先的店鋪在元朗八鄉上村,現移到錦上路,佔地由兩層高變成200多呎大,是香港少有的大空間Cafe。步入寬敞的入口後,會看到一片人造草地、少量的停車位、兩座突出的黑色屋子及一座工業般的鐵皮屋子,難怪好快就變成網紅打卡嘅地方。

店鋪以黑主調型格得來帶點高貴典雅,同時又有些神秘感,為了不乏色彩更加插了鮮豔的園藝植物,充滿歐陸風情。

店主仲擺放左好多私人珍藏的模型和陳列品,可以近距離接觸之餘又可以無限打卡,最為吸晴是火爐、大牆鐘及酒櫃的角落,充滿復古的英倫風。

全透明的座位,非常之吸晴,夠哂特別呀!不過呢到座位供應不多,所以一定要預約呀。

食物整體說不上驚喜,但配合整個環境氣氛及服務之後,都值得一試的。

食物選擇唔少,包含沙律、意粉、小食、飲品,重有自家製法式可麗餅。

呢到真係啱情侶拍拖兩個人去放鬆吓,花園有幾分異國風情,加上空間咁大真係好似去左一日旅行咁!

【Muse Furniture Lab】

元朗錦上路26C號地鋪

星期一 12:00 – 17:00;星期二全日休息;星期三至日 12:00 – 17:00

9332 6168 (whatsapp)、6388 8824 (WhatsApp)